အခ်ိန္ဆုိတဲ့လမ္းမွာ
အဓိပ္ပါယ္မဲ့တဲ့ေျခရာေတြ
အက်ဳိးမေပးတဲ့ေျခလွမ္းေတြနဲ ့
ငါ့ဘ၀ေကာင္းကင္တခ်ဳိ ့
ျပဳိက်ခဲ့ရျပီ ျဖဳိခ်သူက ငါပါပဲ။
အက်ဳိးမရွိျခင္းက အက်ဳိးရွိျခင္းကုိ
နင္းေခ်ကာ ငါ့ကုိခ်ဴပ္ကုိင္ခဲ့
အဲဒီအခ်ိန္မွာ ေပ်ာ္ျမဴးျခင္းေတြက
ငါ့ကုိ၀င္ပူးထားေလရဲ ့။
ရပ္တန္ ့ျခင္းကုိ ဂရုမစုိက္တဲ့အခ်ိန္နင့္အတူ
စီးဆင္းသြားခ်ိန္ အက်ဳိးမရွိတာေတြကုိဂရုမစုိက္ပဲ
အက်ဳိးရွိတဲ့အရာေတြနဲ ့
မဟာမိတ္ဖြဲ ့ထားဖုိ ့လုိမယ့္အသိ
အတိတ္ကစာမ်က္နာေတြက
ငါ့ကုိေျဗာင္က်က် ေျပာျပေန ။
0 မွတ္ခ်က္:
Post a Comment